Прычынай крушэння лакаматыва на вакзале ў Каіры, якое выклікала пажар і прывяло да гібелі людзей, стала халатнасць машыніста, ён затрыманы. Пра гэта заявіў генеральны пракурор Егіпта Набіль Садэк.
Паводле яго даных, машыніст лакаматыва пакінуў кабіну цеплавоза, каб высветліць адносіны з машыністам іншага цягача, што заступіў яму дарогу. У гэты момант машыніст іншага цеплавоза, каб пазбегнуць гутаркі, даў задні ход. Лакаматыў без машыніста пачаў набіраць хуткасць і ў выніку ўрэзаўся ў адбойнік і прыбудову асноўнага будынка цэнтральнага каірскага вакзала. Ад сутыкнення загарэўся і выбухнуў паліўны бак.
Як паведамляюць мясцовыя СМІ, у выніку катастрофы загінулі 20 чалавек, яшчэ 43 -- пацярпелі, некаторыя знаходзяцца ў крытычным стане. - Р -