На другім саміце КНДР-ЗША Пхеньян запатрабаваў частковай адмены санкцый у абмен на канчатковую ліквідацыю ядзерных аб'ектаў у Ёнбене. Пра гэта заявіў у пятніцу ў Ханоі міністр замежных спраў КНДР Лі Ен Хо.

Кіраўнік МЗС правёў брыфінг ў гатэлі, дзе пасяліўся лідар КНДР Кім Чэн Ын на час візіту ў В'етнам. Па словах кіраўніка паўночнакарэйскага знешнепалітычнага ведамства, калі амерыканскі бок пагодзіцца часткова зняць санкцыі, КНДР гатовая канчаткова ліквідаваць ядзерныя аб'екты ў Ёнбене і дазволіць амерыканскім экспертам засведчыць гэты працэс. Гаворка ідзе аб прынятых ў 2016 і 2017 гадах пяці пакетах санкцый ААН, якія тычацца грамадзянскага сектара эканомікі КНДР і жыцця простых людзей.

Лі Ен Хо адзначыў, што з улікам узроўню ўзаемадаверу паміж КНДР і ЗША, гэта максімальная мера па дэнуклеарызацыі, на якую можа пайсці Пхеньян. КНДР не зменіць сваёй бягучай пазіцыі, нават калі Вашынгтон прапануе правесці яшчэ адзін саміт, дадаў міністр.