Прэзідэнт ЗША Дональд Трамп падпісаў афіцыйны дакумент аб прызнанні суверэнітэту Ізраіля над спрэчнымі Галанскімі вышынямі, тэрыторыяй, якую Ізраіль захапіў у Сірыі ў 1967 годзе.

У дакуменце гаворыцца, што "мэтазгодна прызнаць ізраільскі суверэнітэт над Галанскімі вышынямі" для забеспячэння бяспекі Ізраіля.

"Гэта быў зацяжны працэс", - сказаў Д. Трамп перад падпісаннем указа ў Белым доме ў прысутнасці прэм'ер-міністра Ізраіля Біньяміна Нетаньяху, які прыбыў сюды з візітам.

Б. Нетаньяху павітаў рашэнне Д. Трампа і назваў яго "гістарычным".

Галанскія вышыні размешчаны на паўднёвым захадзе Сірыі. Ізраіль падчас вайны 1967 года заняў гэтыя вышыні, але яго акупацыя не атрымала прызнання з боку міжнароднай супольнасці.