У сераду Палата абшчын парламента Вялікабрытаніі афіцыйна ўхваліла адтэрміноўку Brexit, які раней быў запланаваны на 29 сакавіка. Канчатковая дата выхаду з ЕС пакуль не вызначана.

За перанос Brexit выказаўся 441 дэпутат, супраць прагаласавалі толькі 105 парламентарыяў.

Раней Еўрасаюз ухваліў запыт прэм'ер-міністра Вялікабрытаніі Тэрэзы Мэй аб адтэрміноўцы Brexit. Калі Палата абшчын зацвердзіць пагадненне аб выхадзе краіны з саюза, ЕС адкладзе Brexit да 22 мая - дня напярэдадні выбараў у Еўрапарламент; калі ж брытанскія дэпутаты не прымуць дамову, то Лондану давядзецца ізноў прыняць рашэнне да 12 красавіка.