44 чалавекі загінулі, яшчэ 265 атрымалі траўмы ў выніку паводак у Іране. Пра гэта паведамілі ў выратавальнай службе Ірана. Ад стыхіі больш за ўсё пацярпеў гістарычны горад Шыраз на поўдні краіны. Там 21 чалавек стаў ахвярай паводак. Страты, нанесеныя ў выніку стыхіі, склалі сотні мільёнаў долараў.

Праліўныя дажджы выклікалі апоўзні ў горных раёнах. Мясцовыя жыхары былі вымушаны пакінуць свае дамы. Па паведамленнях мясцовых СМІ, праліўныя дажджы пачаліся 21 сакавіка, у першы дзень свята Наўруз, і сталі прычынай паводкі ў краіне. - Р -