Па меншай меры 20 чалавек загінулі, яшчэ сем пацярпелі ў выніку ўзгарання пасажырскага аўтобуса на поўнач ад перуанскай сталіцы Лімы.
Паводле паведамленняў мясцовых СМІ, інцыдэнт адбыўся ў нядзелю ўвечары ў раёне Сан-Марцін-дэ-Порэс. Агонь успыхнуў у двухпавярховым міжабласным аўтобусе, які знаходзіўся на аўтавакзале. Па звестках пажарнай службы, большасць загінуўшых - пасажыры з другога паверха аўтобуса.
Прычыны ўзгарання высвятляюцца. Паводле паведамленняў, узгаранне пачалося ў задняй частцы транспартнага сродку з-за кароткага замыкання. Пажарная служба паведаміла, што ў аўтобусе не было вогнетушыцеляў і абсталявання для забеспячэння бяспекі.