4 траўня ў каралеўскім палацы ў Бангкоку пачалася цырымонія каранацыі новага караля Махі Вачыралангкорна Бадзінтхаратхепхаяварангкуна. Каранацыя пачалася а 10-й гадзіне раніцы з рытуалу абмывання вадой. Новага караля дабраславілі ганаровыя рэлігійныя і палітычныя дзеячы краіны. Затым манарх атрымаў каралеўскія рэгаліі і самастойна надзеў карону.

У другой палове дня прынцэса Тайланда Махі Сірындхорн ад імя каралеўскай сям'і, генерал Прают Чан-Оча -- ад імя кабінета міністраў, спікер Пампет Вічытчанчай -- ад імя парламента, а таксама іншыя афіцыйныя асобы краіны павіншавалі караля з каранацыяй. Кароль, у сваю чаргу, заклікаў усіх разам з ім змагацца за росквіт краіны і шчасце народа.

Святочныя мерапрыемствы будуць працягвацца тры дні. - Р -