Трапічны цыклон "Фані" абрынуўся на ўзбярэжжа штата Арыса на ўсходзе Індыі, у выніку загінулі тры чалавекі, моцна пашкоджана мясцовая інфраструктура. Нацыяальная метэаралагічная служба Індыі паведаміла, што ў 10:00 пятніцы па мясцовым часе самыя моцныя парывы ветру дасягалі хуткасці 180 км/г.

Прэм'ер-міністр Індыі Нарэндра Модзі заявіў, што ўрад будзе актыўна весці работы па ліквідацыі наступстваў стыхійнага бедства і выдзеліць мясцовым уладам больш за 10 млрд рупій на гуманітарныя патрэбы.

Як паведамлялася, перад прыходам цыклонуа звыш мільёна чалавек у штаце Арыса былі эвакуіраваны. "Фані" стаў аднымі з самых магутных цыклонаў за апошнія 20 гадоў. Зараз яго сіла зніжаецца. - Р -