ЕС, Францыя, Германія і Вялікабрытанія са шкадаваннем і занепакоенасцю прынялі да ведама рашэнне ЗША не працягваць паслабленні па нафтавых здзелках з Іранам. Пра гэта гаворыцца ў сумеснай заяве вярхоўнага прадстаўніка Еўрасаюза па замежных справах і палітыцы бяспекі Федэрыкі Магерыні і кіраўнікоў МЗС еўрапейскіх краін.

　　МЗС Францыі ў суботу распаўсюдзіла гэтую сумесную заяву, у якой гаворыцца, што ЕС, Францыя, Германія і Вялікабрытанія выказваюць глыбокае шкадаванне аднаўленнем ЗША санкцый супраць Тэгерана пасля іх выхаду з сумеснага ўсёабдымнага плана дзеянняў па іранскай ядзернай праграме/СУПД/.　

　　"Мы маем намер прыкласці намаганні разам з іншымі еўрапейскімі партнёрамі, каб забяспечыць далейшае вядзенне законнага гандлю з Іранам, у тым ліку шляхам укаранення структуры INSTEX," -- адзначаецца ў дакуменце.

　　Францыя, Германія і Вялікабрытанія ў пачатку года заявілі аб стварэнні сумеснага механізму разлікаў з Іранам INSTEX, які з'яўляецца плацежным механізмам для ўзаемадзеяння еўрапейскіх кампаній з Іранам у абыход санкцый ЗША.

　　У траўні мінулага года ЗША абвясцілі аб выхадзе са СУПД і паэтапна аднавілі санкцыі супраць Тэгерана. З 2 мая бягучага года Вашынгтон вырашыў адмяніць сістэму выключэнняў для спажыўцоў іранскай нафты, каб тым самым дамагчыся поўнай забароны на экспарт іранскай нафты. А 3 траўня ЗША абвясцілі аб узмацненні абмежавальных мер у дачыненні да ядзернай дзейнасці Ірана.