15 траўня ўвечары ў Пекіне на Алімпійскім стадыёне «Птушынае гняздо» прайшоў Карнавал азіяцкай культуры, падчас якога выступіў старшыня КНР Сі Цзіньпін. Ад імя ўрада і народа Кітая ён горача прывітаў высокіх гасцей і дзеячаў мастацтва з розных краін.

Сі Цзіньпін сказаў, што ў Кітаі спакон веку ёсць такія традыцыі, як добрае стаўленне да суседзяў, шчырыя пажаданні дабра родным і блізкім. Таму кітайскі народ спадзяецца, што азіяцкія краіны будуць праяўляць клопат адна пра адну, дапамагаць адна адной, будуць ісці поруч з агульнасусветным прагрэсам, развівацца па меры глабальнага развіцця, аб'ядноўваць намаганні для стварэння прыгожай будучыні Азіі і ўсяго свету. - Р -