Брытанскі мабільны аператар EE ў чацвер запусціў сетку 5G у шасці буйных гарадах краіны, у тым ліку, і ў Лондане. Некаторыя карыстальнікі могуць выпрабаваць высакахуткаснае злучэнне, якое забяспечвае мабільная сетка новага пакалення.

Кампанія EE пачала прадастаўляць паслугі доступу да 5G у такіх буйных гарадах, як Лондан, Кардыф, Эдынбург, Белфаст, Бірмінгем і Манчэстар. Аднак сетка 5G пакуль не пакрывае ўсе раёны згаданых гарадоў. У ЕЕ заявілі, што ў мэтах забеспячэння стабільнага злучэння, разам з доступам да 5G, таксама прадаставіць карыстальнікам магчымасць падлучэння да сетак 4G.

У Huawei рады быць адным з партнёраў брытанскага мабільнага аператара і будуць яго падтрымліваць у разгортванні сеткі 5G у краіне, з тым, каб забяспечыць больш хуткаснае і стабільнае мабільнае злучэнне, заявілі ў кітайскай кампаніі.

Урад Вялікабрытаніі паставіў мэту запуску сеткі 5G на большай частцы тэрыторыі краіны да 2027 года. Акрамя гэтага, урад прыкладае вялікія намаганні па прасоўванні прымянення 5G у сферах беспілотнага кіравання і дыстанцыйнай медыцыны.