Дзяржсакратар ЗША Майкл Пампея заявіў пра гатоўнасць Вашынгтона пачаць перамовы з Тэгеранам "без якіх-небудзь папярэдніх умоў".

Адпаведную заяву ён зрабіў у нядзелю падчас сумеснай прэс-канферэнцыі з кіраўніком МЗС Швейцарыі Ігнацыа Касісам. М.Пампея адзначыў, што ЗША гатовы сесці за стол перамоў з Іранам. Пры гэтым ён падкрэсліў прыхільнасць амерыканскай улады намаганням па змене курсу палітыкі ў Іране.

Па паведамленнях іранскіх СМІ, прэзідэнт Ірана Хасан Раўхані ў суботу заявіў, што Іран не будзе весці перамовы з ЗША пад ціскам. У той жа час ён не выключыў магчымасці перамоў з ЗША, калі Вашынгтон праявіць павагу да Ірана і будзе выконваць міжнародныя правілы. - Р -