У панядзелак заснавальнік кітайскай кампаніі Alibaba Group Ма Юнь, генеральны сакратар ААН Антоніу Гутэрыш і сустаршыня Фонду Біла і Мелінды Гейтс Мелінда Гейтс правялі дыскусію, прысвечаную тэме глабальнага лічбавага супрацоўніцтва ў мэтах забеспячэння больш бяспечнай і ўстойлівай будучыні лічбавай галіны.

Дадзенае глабальнае анлайн-мерапрыемства разглядалася як магчымасць абмеркавання таго, як дзяржаўны, прыватны сектары і грамадзянская супольнасць могуць працаваць разам над рэалізацыяй патэнцыялу лічбавых тэхналогій для паляпшэння дабрабыту людзей і зніжэння рызык.

Выканаўчы старшыня Alibaba Group і сустаршыня групы высокага ўзроўню ААН па лічбавым супрацоўніцтве Ма Юнь заявіў, што калі ты маеш вялікі маштаб ў лічбавую эпоху, то ты павінен узяць на сябе і вялікую адказнасць.

"Калі вы не клапоціцеся аб прыватнасці, аб бяспецы даных, аб правах чалавека, аб інтарэсах грамадства, то вы можаце знікнуць вельмі хутка", -- сказаў Ма Юнь у сваім выступленні. Ён таксама дадаў тое, што калі ўрад, прыватны сектар і грамадзянская супольнасць будуць працаваць разам, то яны змогуць выпрацаваць разумную палітыку.

А. Гутэрыш, у сваю чаргу, адзначыў важнасць падыходу, у цэнтры якога знаходзіцца чалавек, заявіўшы, што за гэта нясе адказнасць не толькі ўрад, але і грамадства.