Старшыня КНР Сі Цзіньпін у сувязі з моцным землетрасеннем у павеце Чаннін правінцыі Сычуань на паўднёвым захадзе Кітая даў даручэнне, заклікаючы мясцовыя ўлады прыкладаць разнастайныя намаганні па ліквідацыі наступстваў стыхіі.
Сі Цзіньпін заклікаў да поўнай арганізацыі работы па ліквідацыі наступстваў землетрасення, надаваць першачарговую ўвагу пошуку прапаўшых і выратаванню пацярпелых, каб максімальна знізіць колькасць ахвяр. Ён таксама запатрабаваў ад арміі і паліцыі аказаць садзейнічанне мясцовым уладам у барацьбе са стыхіяй.
Прэм'ер Дзяржсавета КНР Лі Кэцян запатрабаваў удакладніць урон ад стыхіі, арганізаваць працу па пошуку і выратаванні пацярпелых, аднавіць пашкоджаную інфраструктуру, уключаючы транспарт і сувязь, своечасова распаўсюджваць інфармацыю пра тамтэйшую сітуацыю.
Па даручэнні Сі Цзіньпіна і патрабаванні Лі Кэцяна рабочыя групы профільных міністэрстваў і ведамстваў ужо адправіліся ў Сычуань для кіраўніцтва работамі па ліквідацыі наступстваў стыхіі і аказанні дапамогі мясцоваму насельніцтву. - Р -