Мытная служба Кітая на днях выявіла ў партыі імпартнай свініны з Канады сляды такой кармавой дабаўкі, як рактапамін. У сувязі з гэтым Пекін неадкладна спыніў імпарт свініны з адпаведных прадпрыемстваў і запатрабаваў ад канадскага боку правесці расследаванне. Пра гэта ў аўторак паведаміў афіцыйны прадстаўнік амбасады КНР у Канадзе.
Па яго словах, падчас расследавання было выяўлена, што афіцыйныя ветэрынарна-санітарныя сертыфікаты ў гэтай партыі свініны былі падробленымі. У агульнай колькасці было выяўлена 188 падробных сертыфікатаў. Канадскі бок лічыць дадзены інцыдэнт крымінальным злачынствам.
Прадстаўнік амбасады КНР адзначыў, што гэтыя падробленыя сертыфікаты былі накіраваны кітайскім ведамствам праз канадскі афіцыйны орган рэгістрацыі сертыфікатаў, што сведчыць аб відавочных прабелах у канадскай сістэме нагляду за экспартам мяса
ў Кітай. Пекін у мэтах абароны кітайскіх спажыўцоў прыняў тэрміновыя прэвентыўныя меры і запатрабаваў ад урада Канады з 25 чэрвеня самастойна прыпыніць выдачу сертыфікатаў на мясную прадукцыю, што экспартуецца ў Кітай.