Кітайская тэнісістка Лі На стала першым прадстаўніком Кітая і Азіі, што ўвайшоў у залу тэніснай славы. Урачыстая цырымонія адбылася ў амерыканскім Ньюпорце. Разам з ёй гэтага гонару ўдастоіліся расійскі спартсмен Яўген Кафельнікаў і францужанка Мэры Пірс.
Лі На-былая другая ракетка свету. Яна нарадзілася ў г. Ухань у 1982 годзе. З васьмі гадоў пачала займацца тэнісам. Гэта першая тэнісістка з Кітая, якая здолела дамагчыся цудоўных вынікаў у вялікім тэнісе і стала пераможцай дзевяці турніраў WTA, уключаючы два турніры Вялікага шлема ў адзіночным разрадзе (Адкрыты чэмпіянат Францыі-2011, Адкрыты чэмпіянат Аўстраліі-2014).
Лі На адзначана не толькі за яе бліскучыя дасягненні, але і за яе дух прафесіяналізму і энтузіязм, а таксама працу па падрыхтоўцы і заахвочванні маладых спартсменаў.