Амерыканскі ваенны карабель на мінулым тыдні збіў, магчыма, два іранскія беспілотнікі над Персідскім залівам. Пра гэта ў аўторак заявіў кіраўнік Цэнтральнага камандавання Узброеных сіл ЗША генерал Кэнэт Макензі ў інтэрв'ю тэлекампаніі CBS на борце USS Boxer. "Мы ўпэўнены, што збілі адзін беспілотнік, магчыма, збілі і другі", -- адзначыў ён.
Афіцыйны прадстаўнік УС ЗША Эрл Браўн пазней заявіў, што карабель USS Boxer пачаў абарончыя дзеянні ў адказ на агрэсіўнае набліжэнне іранскіх дронаў ў міжнародных водах.
У Тэгеране страту беспілотнікаў не прызнаюць. - Р -