Член Дзяржсавету КНР, міністр замежных спраў Ван І ў кітайскай сталіцы правёў перамовы з міністрам замежных спраў Індыі Субрахманьямам Джайшанкарам.

Ван І адзначыў, што бакі павінны добрасумленна рэалізоўваць важныя кансенсусы кіраўнікоў, шанаваць поспехі ў цяперашнім паляпшэнні міждзяржаўных адносін, працягваць умацоўваць ўзаемадавер і паглыбляць супрацоўніцтва. С. Джайшанкар, са свайго боку, адзначыў, што індыйскі бок чакае другой у гэтым годзе нефармальнай сустрэчы кіраўнікоў, якая адбудзецца ў Індыі, і цалкам гатовы забяспечыць яе паспяховае правядзенне.

Бакі лічаць, што неабходна разам аберагаць статус Кітая і Індыі ў якасці краін, якія развіваюцца, а таксама адстойваць правы на развіццё і законныя інтарэсы, што прадастаўляюцца Сусветнай гандлёвай арганізацыяй.

Ван І таксама выказаў прынцыповую пазіцыю Кітая ў дачыненні да нядаўніх аднабаковых дзеянняў Індыі ў пытанні Кашміра. С. Джайшанкар, у сваю чаргу, адзначыў, што Індыя жадае захаваць стрыманасць і палепшыць адносіны з Пакістанам, а таксама старанна выконваць дамоўленасці, дасягнутыя Індыяй і Кітаем па пытанні забеспячэння міру і спакою ў памежнай зоне.