Індыйская станцыя "Чандраян-2" паспяхова выведзена на арбіту Месяца. Пра гэта паведамілі ў Індыйскай арганізацыі касмічных даследаванняў у аўторак. Мяркуецца, што пасадачны модуль станцыі "Вікрам", запушчаны 22 ліпеня і названы ў гонар бацькі індыйскай касманаўтыкі Вікрама Сарабхая, апусціцца на паверхню спадарожніка Зямлі 7 верасня.
У выпадку поспеху "Чандраян-2" Індыя стане чацвёртай краінай свету разам з ЗША, Расіяй і Кітаем, якая адзначыла сваю прысутнасць на спадарожніку Зямлі.
Кошт месячнай місіі Індыі складае 150 млн долараў. Яе мэта -- збор інфармацыі аб вадзе, мінералах і горных пародах на паверхні Месяца. Раней у гэтым месяцы "Чандраян-2" адправіў першую серыю фатаграфій Зямлі. - Р -