Член Дзяржсавета, міністр замежных спраў КНР Ван І правёў перамовы з членам Палітбюро ЦК ППК, кіраўніком МЗС КНДР Лі Ен Хо.
Ван І падкрэсліў, што на працягу 70 гадоў, нягледзячы на любыя перамены ў міжнароднай абстаноўцы, два бакі дзялілі нягоды і плячом да пляча рухаліся наперад. Кітайскі бок перакананы, што пры сумесных намаганнях, адносіны паміж Кітаем і КНДР, якія знаходзяцца на новай адпраўной кропцы, абавязкова праявяць яшчэ больш моцную жыццяздольнасць, а таксама стануць сведкамі яшчэ больш светлай будучыні.
Ван І распавёў пра цяперашнюю абстаноўку ў Сянгане, а таксама выклаў пазіцыю Кітая і меры, якія прымае кітайскі бок. Лі Ен Хо заявіў, што КНДР ужо неаднаразова выказвала сваю пазіцыю адносна Сянганскай праблемы. Ён яшчэ раз паўтарыў, што Сянган з'яўляецца кітайскім Сянганам, і знешнія сілы не павінны ўмешвацца ў яго справы. ППК і ўрад КНДР рашуча падтрымліваюць КПК і ўрад Кітая ў абароне прынцыпу "адна краіна, дзве сістэмы", дзяржаўнага суверэнітэту і тэрытарыяльнай цэласнасці.
Бакі таксама правялі грунтоўны абмен думкамі па праблеме Карэйскага паўвострава, выклалі адзін аднаму апошняе развіццё сітуацыі, пагадзіліся працягваць падтрымліваць цесныя зносіны па гэтым пытанні, а таксама ўносіць яшчэ больш значны ўклад у абарону міру і стабільнасці ў рэгіёне.