Генеральны сакратар ЦК КПК, старшыня КНР і кіраўнік Цэнтральнага ваеннага савета Сі Цзіньпін павіншаваў Упраўленне КНР па справах выдання і распаўсюджвання літаратуры на замежных мовах з 70-ай гадавінай, у сувязі з такой датай выказаўшы шчырае прывітанне ўсім яго супрацоўнікам, замежным спэцыялістам і тым, каму не абыякавая справа развіцця міжнародных камунікацый у Кітаі.
За 70 гадоў Упраўленне адыграла важную ролю ў азнаямленні знешняга свету з тым, што адбываецца ў Кітаі, у садзейнічанні дружалюбным абменам краіны з замежжам, і ў тым, каб голас Кітая быў пачуты, адзначаецца ў пасланні.
Ва ўмовах новай абстаноўкі, сувязі Кітая са знешнім светам становяцца з кожным днём усё больш цеснымі, адзначыў Сі Цзіньпін, выказаўшы спадзяванне, што Упраўленне будзе разглядаць сваю 70-ю гадавіну як новую адпраўную кропку, і развіваць лепшыя традыцыі, захоўваючы прыхільнасць інавацыям, а таксама будзе імкнуцца да пастаяннага павышэння патэнцыялу і ўзроўню міжнародных камунікацый.
Неабходна прыкласці намаганні, каб Упраўленне ператварылася ў орган сусветнага ўзроўню, што адрозніваецца вялікай комплекснай моцай ў сферы міжнародных камунікацый, адзначаецца ў пасланні.
Яно было зачытана членам Палітбюро і загадчыкам Аддзела прапаганды ЦК КПК Хуан Куньмінам падчас урачыстага мерапрыемства, якое прайшло раніцай у сераду ў Пекіне з нагоды 70-ай гадавіны Упраўлення.
Як паведамляецца, на дадзены момант Упраўленне мае 26 структур у 14 краінах і рэгіёнах свету, штогод выпускае звыш 4000 найменняў кніжнай прадукцыі на 40 з лішнім мовах, а таксама 34 перыядычных выдання на 13 мовах. Іх распаўсюджванне ажыццяўляецца не менш чым у 180 краінах і рэгіёнах свету.