Прэзідэнт Беларусі Аляксандр Лукашэнка накіраваў падзячны ліст прэзідэнту Украіны Уладзіміру Зяленскаму, паведамляе прэс-служба беларускага лідара.

Кіраўнік дзяржавы падзякаваў ўкраінскаму прэзідэнту за цёплы прыём беларускай дэлегацыі ў Жытоміры, адзначыўшы, што праведзеныя перамовы на вышэйшым узроўні прадэманстравалі салідарнасць краін у пытаннях міжнароднага парадку дня і двухбаковага супрацоўніцтва.

"Вынікі Форуму рэгіёнаў Беларусі і Украіны ярка пацвярджаюць неабходнасць далейшага развіцця прамога міжрэгіянальнага дыялогу", -- падкрэсліў А. Лукашэнка. Прэзідэнт выказаў упэўненасць у паспяховым ажыццяўленні ўсіх беларуска-ўкраінскіх праектаў у прамысловасці, сельскай гаспадарцы, энергетыцы, транспарце і лагістыцы, а таксама ў пашырэнні культурных сувязей для ўмацавання традыцый добрасуседства.

"Перакананы, што дамоўленасці, дасягнутыя ў Жытоміры, будуць абавязкова рэалізаваныя. Разлічваю на працяг актыўных і змястоўных кантактаў", -- адзначыў ён. Прэзідэнт таксама запрасіў свайго ўкраінскага калегу наведаць з афіцыйным візітам Беларусь у зручны для яго час. - Р -