Урадавая армія Сірыі ўвайшла ў некалькі раёнаў, раней падкантрольных узначаленаму сірыйскімі курдамі альянсу "Сірыйскія дэмакратычныя сілы", каб супрацьстаяць ваенным дзеянням Турцыі і саюзных сірыйскіх паўстанцаў, якія разгортваюцца на поўначы Сірыі. Пра гэта паведаміла інфармацыйнае агенцтва САНА. У паведамленні ўказана, што раёны, у якія ўвайшлі сірыйскія ўрадавыя войскі, уключаюць гарады Айн-Іса і Табка ў паўночнай правінцыі Рака, а таксама населены пункт Тэль-Тамер у паўночна-ўсходняй правінцыі Хасэке.
Сённяшні дзень стаў шостым з таго моманту, як Турцыя распачала ваенныя дзеянні на поўначы Сірыі. Па паведамленнях САНА, турэцкая армія абстраляла з артылерыі некалькі населеных пунктаў на поўначы правінцыі Хасэке. - Р -