Лі Кэцян у Сіане / правінцыя Шэньсі, Паўночна-Заходні Кітай/ быў старшынёй на нарадзе кіраўнікоў некаторых правінцыйных урадаў па пытаннях бягучай эканамічнай сітуацыі. Ён адзначыў, што ў гэтым годзе ва ўмовах яшчэ больш складанай міжнароднай абстаноўкі і запаволення глабальнага эканамічнага росту кітайская эканоміка захавала агульную стабільнасць, дзякуючы ўстойліваму прагрэсу ў структурных пераўтварэннях і пастаяннаму паляпшэнню матэрыяльных умоў жыцця людзей.
Паводле яго слоў, для дасягнення штогадовых мэтаў Кітаю неабходна надаваць больш увагі стабілізацыі эканамічнага росту і падтрыманню эканамічных паказчыкаў у разумных межах, раскрыць большы патэнцыял попыту на ўнутраным рынку і стымуляваць эфектыўны попыт на інвестыцыі і спажыванне.
Кітай павінен актывізаваць намаганні па павышэнні ўстойлівасці эканомікі, пераадоленні ціску, павелічэнні занятасці, падтрыманні стабільных цэн і абароне матэрыяльных умоў жыцця людзей, адзначыў Лі Кэцян.
Ён падкрэсліў неабходнасць рэалізацыі розных мер, каб знізіць падаткі і пошліны, скараціць выдаткі фінансавання, а таксама выкарыстоўваць інструменты антыцыклічнай палітыкі рэгулявання.
Ён заявіў, што Кітай будзе садзейнічаць мясцовым урадам выпускаць спецыяльныя аблігацыі і заахвочваць прыватныя інвестыцыі.
У працэсе пастаяннага паскарэння стварэння арыентаванай на рынак, заснаванай на заканадаўстве дзелавога асяроддзя міжнароднага маштабу, аптымізацыі адміністрацыйных працэдур і паляпшэння інавацыйных магчымасцяў прадпрыемстваў Кітай павінен стымуляваць развіццё прамысловага Інтэрнэту і садзейнічаць павышэнню ўзроўню і трансфармацыі вытворчых кампаній, адзначыў Лі Кэцян.
Ён таксама заклікаў прыкласці намаганні для забеспячэння высокага ўзроўню адкрытасці і міжнароднага супрацоўніцтва ў галіне гандлю і інвестыцый, дадаўшы, што Кітай павінен надаваць прыярытэтную ўвагу пытанням занятасці і ўзмацняць падтрымку працаўладкавання выпускнікоў універсітэтаў, ветэранаў і тых, хто сутыкаецца з цяжкасцямі з атрыманнем працы. --0--