"У нас ёсць новы ўзгоднены пратакол, які забяспечвае мір і стабільнасць на востраве Ірландыя і цалкам абараняе наш адзіны рынак. Я спадзяюся, што зараз мы зможам перасекчы гэту лінію і забяспечыць упэўненасць, якую заслугоўваюць нашы грамадзяне і прадпрымальніцтва", -- адзначыў ён ў прэс-рэлізе, апублікаваным на сайце Еўракамісіі.
Галоўны перамоўшчык ЕС па Brexit Мішэль Барні назваў гэту здзелку "выйгрышнай для ўсіх". "У нас былі складаныя дыскусіі на працягу апошніх дзён. Нам удалося знайсці рашэнні, якія цалкам паважаюць цэласнасць адзінага рынку. Мы стварылі новае і дзейснае рашэнне, каб пазбегнуць жорсткай мяжы і абараніць мір і стабільнасць на востраве Ірландыя. Рашэнне працуе як для ЕС, так і для Вялікабрытаніі, а таксама для людзей і прадпрыемстваў у Паўночнай Ірландыі", -- сказаў М.Барні ў прэс-рэлізе.
Услед за рэферэндумам у чэрвені 2016 года, па выніках якога 52% прагаласаваўшых падтрымалі выхад Вялікабрытаніі з ЕС, брытанскі ўрад, спаслаўшыся на артыкул 50 Дамовы аб Еўрапейскім саюзе, пачаў двухгадовы працэс па яе выхадзе з ЕС. У сувязі з тым, што брытанскі парламент адмовіўся ратыфікаваць дакументы, узгодненыя паміж былым прэм'ер-міністрам Вялікабрытаніі Тэрэзай Мэй і ЕС, то ўказаны тэрмін працягваўся двойчы. Дзеючы прэм'ер-міністр Б. Джонсан настойвае на тым, каб Вялікабрытанія пакінула ЕС 31 кастрычніка са здзелкай або без яе. - Р -