Кітай выступае за распрацоўку адзіных глабальных стандартаў ва ўжыванні новых тэхналогій, у тым ліку – у сферы новыъ крыніц энергіі. Пра гэта гаворыцца ў звароце старшыні КНР Сі Цзіньпіна да ўдзельнікаў 83-га пасяджэння Міжнароднай электратэхнічнай камісіі, што адкрылася 21 кастрычніка ў Шанхаі.
Сі Цзіньпін адзначыў, што ў цяперашні час зялёнае і нізкавугляроднае развіццё стала агульнай мэтай чалавецтва. Інтэграцыя новых тэхналогій, такіх як штучны інтэлект, вялікія даныя, 5G і выпрацоўка электрычнасці з новых крыніц энергіі патрабуе распрацоўкі і прымянення міжнародных стандартаў у адпаведных галінах і ўмацавання глабальнага супрацоўніцтва.
Сі Цзіньпін падкрэсліў, што Кітай надае вялікае значэнне працы па стандартызацыі, актыўна прасоўвае прымяненне міжнародных стандартаў, прасоўвае высокатэхналагічныя інавацыі, спрыяе адкрытасці на высокім узроўні. Кітай будзе і надалей актыўна падтрымліваць міжнародную дзейнасць па стандартызацыі і ўдзельнічаць у ёй, гатовы супрацоўнічаць з іншымі краінамі ў мэтах пастаяннага ўдасканалення сістэмы міжнародных стандартаў і структуры кіравання.