У нядзелю завяршылася Другая Кітайская міжнародная імпартная ЭКСПА (CIIE), на палях якой былі заключаны папярэднія дамовы па набыцці тавараў і паслуг коштам 71,13 млрд. долараў на працягу 12 месяцаў.
Сума вырасла на 23 працэнты ў параўнанні з мінулым годам, паведаміў на прэс-канферэнцыі Сунь Чэнхай, намеснік дырэктара Бюро па арганізацыі CIIE.
Усяго ў ЭКСПА прынялі ўдзел 181 краіна, рэгіён і міжнародная арганізацыя, пры гэтым больш за 3800 прадпрыемстваў прадэманстравалі сваю прадукцыю.
Як заявіў Сунь Чэнхай, шасцідзённае мерапрыемства пад дэвізам "Новая эра, агульная будучыня" прыцягнула больш за 500 тыс. кітайскіх і замежных закупнікоў.
Паводле яго слоў, больш за 230 кампаній з усяго свету зарэгістраваліся на трэцяю CIIE ў Шанхаі, пры гэтым агульная плошча забраніраваных імі выставачных месцаў склала звыш 84 тыс. кв. метраў.
Сярод зарэгістраваных на мерапрыемства наступнага года фігуруюць 80 кампаній або прамысловых лідараў, якія ўваходзяць у спіс Fortune Global 500. Агульная выставачная плошча іх стэндаў зойме больш чым 50 тыс. кв. метраў, дадаў Сунь Чэнхай.