Палата прадстаўнікоў ЗША правяла першае публічнае слуханне ў рамках расследавання справы аб імпічменце Д.Трампа
  2019-11-14 11:31:54  cri  [  Паслаць сябру ] [  Раздрукаваць ]    [ шрыфт : A A A ]  

Палата прадстаўнікоў ЗША правяла першае публічнае слуханне ў рамках расследавання справы аб імпічменце прэзідэнта Дональда Трампа. На першым публічным слуханні выступілі часовы павераны ў справах ЗША ва Украіне Уільям Тэйлар і намеснік памочніка дзяржсакратара па справах Еўропы і Еўразіі Джордж Кент. У кастрычніку яны абодва далі паказанні ў Кангрэсе за зачыненымі дзвярыма, прычым тады яны выказалі заклапочанасць у дачыненні да кантактаў прэзідэнта Д.Трампа з Украінай.

З загадзя падрыхтаваным прывітальным словам на слуханні выступіў старшыня Камітэта па разведцы Палаты прадстаўнікоў Адам Шыф, які прадстаўляе ў Кангрэсе штат Каліфорнія. Ён з самага пачатку расследавання справы аб імпічменце рэгулярна станавіўся аб'ектам нападак з боку Д.Трампа. Шыф адзначыў, што кангрэсмены, якія вядуць расследаванне справы аб імпічменце, маюць намер атрымаць ад сведак адказ, ці сапраўды Д.Трамп спрабаваў прымусіць прэзідэнта Украіны Уладзіміра Зяленскага пачаць расследаванне ў дачыненні да палітычных праціўнікаў Д.Трампа ў абмен на абяцанне, што прэзідэнт ЗША сустрэнецца са сваім украінскім калегам у Белым доме і прадаставіць Украіне ваенную дапамогу на мільёны долараў.

"Калі прэзідэнт Дональд Трамп сапраўды прадпрымаў падобныя спробы, то ці адпавядае наогул такое злоўжыванне прэзідэнтам ЗША сваімі паўнамоцтвамі той пасадзе, якую ён займае? -- сказаў А. Шыф. -- "Пытанне вельмі просты і ў той жа час жудаснае". - Р -

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
Паездка Лі Кэцяна ва Узбекістан і Тайланд умацуе сувязі і супрацоўніцтва паміж краінамі ШАС і ва Усходняй Азіі
© China Radio International.CRI. All Rights Reserved.
16A Shijingshan Road, Beijing, China. 100040