Кітай плануе завяршыць будаўніцтва касмічнай станцыі і ўвесці яе ў эксплуатацыю прыкладна ў 2020 годзе, заявіў генеральны канструктар Праграмы пілатуемай касманаўтыкі Кітая Чжоу Цзяньпін. Паводле яго слоў, касмічная станцыя будзе важыць 100 тон і змяшчаць трох касманаўтаў, а пры неабходнасці можа быць пашырана.
"Галоўная мэта будаўніцтва касмічнай станцыі -- дазволіць Кітаю стаць краінай, якая самастойна асвойвае тэхналогію доўгатэрміновых пілатуемых палётаў на арбіце, а таксама мае магчымасць праводзіць доўгатэрміновыя пілатуемыя навуковыя эксперыменты дзеля ўсебаковага развіцця і выкарыстання касмічных рэсурсаў", -- заявіў Чжоу Цзяньпін падчас 4-га Кітайскага форуму высокага ўзроўню па праектаванні, які праходзіў 16-17 лістапада ва Універсітэце ім. Сунь Ятсэна.
Касмічная станцыя будзе выступаць у якасці асноўнай платформы Кітая для навуковых даследаванняў космасу. Яе мэтамі стане асваенне тэхналогій у галіне будаўніцтва і кіравання буйнымі касмічнымі аб'ектамі, адточванне тэхналогій, якія гарантуюць жыццё і здароўе касманаўтаў, а таксама будаўніцтва нацыянальнай касмічнай лабараторыі, адзначыў Чжоу Цзянпін. - Р -