Новы склад Еўракамісіі на чале з Урсула фон дэр Ляен -- першай жанчынай на пасадзе старшыні гэтага органа – ухвалены ў Страсбургу членамі Еўрапарламента.
"За" прагаласаваў 461 дэпутат, "супраць" -- 157, 89 еўрапарламентарыяў устрымаліся. Такі вынік галасавання не стаў нечаканым, бо Урсула фон дэр Ляен за апошнія дні ўжо вырашыла ўсе спрэчныя пытанні ў сваіх кантактах з еўрапейскімі заканадаўцамі.
З таго моманту, як Урсула фон дэр Ляйен была абрана на пасаду старшыні Еўракамісіі лідарамі 28 краін-членаў ЕС, яе пазіцыя была вельмі хісткай. На першым галасаванні па яе кандыдатуры ў Еўрапарламенце яна атрымала ўхваленне з перавагай усяго толькі ў дзевяць галасоў, пасля чаго некалькі прапанаваных ёю кандыдатур на пасады еўракамісараў былі адхілены еўрадэпутатамі. З-за гэтага новы склад Еўракамісіі прыступіць да сваёй працы на некалькі тыдняў пазней за запланаваны тэрмін.
Перад пачаткам апошняга галасавання Урсула фон дэр Ляен выступіла з прамовай. Новы склад Еўракамісіі прыступіць да працы з 1 снежня, але да гэтага ён павінен атрымаць яшчэ кваліфікаваную большасць у Еўрапейскім савеце. - Р -