Кітай дамогся значных поспехаў у сферы прафесійнай адукацыі, гаворыцца ў дакладзе, апублікаваным на афіцыйным сайце Міністэрства адукацыі КНР. У прафесійна-тэхнічных вучэльнях па ўсёй краіне палепшыліся ўмовы дзякуючы пашырэнню доступу да вучэбнай тэхнікі, лічбавых рэсурсаў і бесправадных сетак, гаворыцца ў ім.
У 2017 годзе ў прафесійна-тэхнічныя вучэльні па ўсёй краіне было залічана каля 3,51 млн абітурыентаў, што на 75 тыс. чалавек больш у параўнанні з аналагічным перыядам папярэдняга года. У дакладзе таксама адзначаецца, што агульная колькасць студэнтаў у названых навучальных установах дасягнула 11,05 млн чалавек, павялічыўшыся на 221 тыс. чалавек у гадавым вылічэнні.
У той жа час навучэнцаў прыцягвае кампетэнтнасць выкладчыцкага складу ў прафесійна-тэхнічных вучэльнях. Згодна з дакладам, у 2017 годзе колькасць выкладчыкаў, якія працуюць на поўную стаўку, складала 482 тыс. чалавек. - Р -