Пастаянны прадстаўнік КНР пры ААН Чжан Цзюнь у сераду заклікаў міжнародную супольнасць, асабліва асноўныя бакі па праблеме Карэйскага паўвострава, заняць аб'ектыўную і справядлівую пазіцыю, разглядаць гэтую праблему ў агульным кантэксце і на працяглую перспектыву, прыкласці больш намаганняў для разрадкі абстаноўкі, садзейнічання паўночнакарэйска-амерыканскаму дыялогу і кансультацыям, прасоўвання палітычнага працэсу на паўвостраве, а таксама прадухіліць аднаўленне напружанасці і канфрантацыі на паўвостраве.
Заканчваючы сваю прамову, Чжан Цзюнь падкрэсліў, што Кітай увесь час настойваў на дэнуклеарызацыі паўвострава, падтрыманні міру і стабільнасці на паўвостраве і вырашэнні праблемы шляхам дыялогу і кансультацый. Кітайскі бок адказна падыходзіць да правядзення цесных кантактаў і кансультацый з зацікаўленымі бакамі, гуляе канструктыўную ролю ў прасоўванні мірных перамоваў. Кітай гатовы прыкласці сумесныя з іншымі бакамі намаганні па дасягненні дэнуклеарызацыі і захаванні трывалага міру і стабільнасці на паўвостраве.