Злучаныя Штаты раніцай у пятніцу нанеслі авіяўдары па мэтах у Багдадзе, звязаных з Іранам. Пра гэта паведамляюць мясцовыя СМІ са спасылкай на неназваных амерыканскіх чыноўнікаў.

Як заявіў Newsweek высокапастаўлены супрацоўнік Пентагона, у выніку ўдару па аэрапорце Багдаду былі забітыя камандуючы сіламі спецыяльнага прызначэння "Аль-Кудс" іранскага Корпуса "вартавых ісламскай рэвалюцыі" / КВІР / Касем Сулейман і намеснік кіраўніка ірацкага апалчэння "Аль-Хашд аш-Шаабі" Абу Махдзі аль-Мухандзіс. Па словах крыніцы, ведамства чакае вынікаў тэсту ДНК, якія "з вялікай доляй верагоднасці" пацвердзяць, што загінулі менавіта гэтыя людзі.

Удары былі нанесеныя на фоне высокай напружанасці ў адносінах паміж Вашынгтонам і Тэгеранам.