Кітай апублікаваў спіс з 36 удзельнікаў штогадовага адбору 10 найбуйнейшых археалагічных знаходак краіны і запусціў першы раўнд галасавання ў пятніцу.
Знаходкі-кандыдаты вылучаны ўстановамі, якія маюць права на археалагічныя раскопкі, пры гэтым у агульнай складанасці 20 намінаваных знаходак выйдуць у канчатковы этап адбору, гаворыцца на сайце Дзяржупраўлення па ахове культурнай спадчыны КНР.
87 устаноў, якія маюць права на археалагічныя раскопкі, а таксама 137 членаў праўлення Кітайскага таварыства археалогіі павінны здаць свае бюлетэні з 20-цю абранымі элементамі ў перыяд да 20 студзеня.
Такі адбор, запушчаны ў 1990 годзе, арганізуецца прафесійнай газетай у сферы археалогіі і Кітайскім таварыствам археалогіі для выяўлення найважнейшых археалагічных знаходак, якія маюць гістарычнае, мастацкае і навуковае значэнне, а таксама даюць новыя веды і разуменне археалагічных даследаванняў. - Р -