14 студзеня ў Вашынгтоне Член Палітбюро ЦК КПК, віцэ-прэм'ер Дзяржсавета КНР, кіраўнік кітайскай дэлегацыі на кітайска-амерыканскім ўсебаковым эканамічным дыялогу Лю Хэ ў розны час сустрэўся з кіраўніком МВФ Крысталінай Георгіевай, прэзідэнтам гандлёвай палаты ЗША Томасам Донах'ю і старшынёй Нацыянальнага савета па амерыкана-кітайскім гандлі Крэйгам Аленам.
Лю Хэ адзначыў, што МВФ, гандлёвая палата ЗША і Нацыянальны савет па амерыкана-кітайскім гандлі плённа правялі гандлёвыя перамовы паміж Кітаем і ЗША. Бакі падпісалі дакумент па першай фазе гандлёва-эканамічнага пагаднення паміж краінамі. Гэты крок мае станоўчае значэнне для Кітая, ЗША і ўсяго свету. Значэнне першай фазы гандлёва-эканамічнага пагаднення паміж Кітаем і ЗША выходзіць далёка за рамкі эканомікі, закранаючы таксама мір і росквіт на планеце.
К. Георгіева, у сваю чаргу, вітала падпісанне дакумента, сказаўшы, што гэта карысна не толькі для кітайскай і амерыканскай эканомікі, але і сусветнай эканомікі ў цэлым.
Па словах Т. Донах'ю і К. Алена, бізнес-супольнасць ЗША гатова іграць пазітыўную ролю ў рэалізацыі дакумента ў мэтах паглыблення ўзаемнага даверу і прасоўвання двухбаковага гандлёва-эканамічнага супрацоўніцтва.