У 2020 годзе Кітай правядзе выпрабавальны арбітальны палёт эксперыментальнага пілатуемага касмічнага карабля новага пакалення. На арбіту ён будзе выведзены з дапамогай ракетаносьбіта «Чанчжэн-5Б». Пра гэта 17 студзеня ў Пекіне паведаміў намеснік галоўнага канструктара сістэм пілатуемых караблёў Кітайскай акадэміі касмічнай тэхнікі пры Кітайскай аэракасмічнай навукова-тэхнічнай карпарацыі (China Aerospace Science and Technology Corporation, CASC) Ма Сяабін.
Паводле яго слоў, пілатуемы касмічны карабель новага пакалення Кітая прызначаны для выканання задач па дастаўцы і касманаўтаў, і грузаў. Гэта -- бяспечны пілатуемы транспартны касмічны сродак шматразовага выкарыстання.
Як стала вядома, запуск для выпрабавальнага палёту і вяртанне, і пасадка карабля будуць ажыццёўлены, адпаведна, з касмадрома Вэньчан на востраве Хайнань і на палігоне Дунфэн. Дата пуску-пасадкі эксперыментальнага пілатуемага касмічнага карабля новага пакалення пакуль не вызначана.