Колькасць памерлых у Кітаі ад захворвання пнеўманіяй новага тыпу засталася ў межах дзевяці чалавек -- усё ў правінцыі Хубэй. Колькасць выяўленых інфіцыраваных узрасла да 441 чалавека ў 13 рэгіёнах мацерыковага Кітая і Тайваня. Зафіксаваны выпадкі заражэння ў Японіі, Рэспубліцы Карэя, Тайландзе і Злучаных Штатах.
З'яўленне ва Ухане пнеўманіі новага тыпу i распаўсюджанне яе віруса, які яе выклікае, выклікала шырокую ўвагу з боку кітайскай і міжнароднай супольнасці. Кітайскі ўрад праводзіць своечасовую, адкрытую і празрыстую прафілактыку і барацьбу з эпідэміяй, умацоўвае міжнароднае супрацоўніцтва, рэагуе на выклікі і дэманструе высокую адказнасць за здароўе сваіх грамадзян і бяспеку ва ўсім свеце.
Пасля з'яўлення ва Ухане першага выпадку пнеўманіі невядомага паходжання ў горад накіраваліся спецыялісты для падтрымкі мясцовай эпідэмічнай прафілактыкі і кантролю. За тыдзень яны вызначылі, што гэта каранавірус новага тыпу. У параўнанні з вiрусам атыповай пнеўманіі ў 2003 годзе ўдакладненне патагена значна павысілася, што сведчыць аб прагрэсе Кітая ў галіне прафілактыкі захворванняў у апошнія гады.
З развіццём медыцынскіх тэхналогій і ўмацаваннем міжнароднага супрацоўніцтва ў медыцынскай галіне здольнасць чалавецтва рэагаваць на распаўсюджанне інфекцыйных захворванняў працягвае ўзрастаць. Перад тварам новай эпідэміі варта быць вельмі пільнымі.