Член Дзяржсавету КНР, міністр грамадскай бяспекі Чжаа Кэчжы падкрэсліў важнасць намаганняў па забеспячэнні бяспекі ў перыяд канікул з нагоды свята Вясны.
Чжаа Кэчжы выступіў з такой заявай падчас інспектавання работ паліцэйскіх службаў па падтрыманні грамадскага парадку ў Пекіне.
Паліцыя павінна актыўна папярэджваць і вырашаць рознагалоссі, указаў Чжаа Кэчжы, дадаўшы, што трэба ўзмацніць работу па абароне насельніцтва ад тэрарыстычных актаў і надзвычайных сітуацый.
Ён таксама заклікаў паліцэйскіх падтрымліваць бесперашкодны рух транспарту ў перыяд святаў і супрацоўнічаць з іншымі ведамствамі для кантролю за распаўсюджваннем пнеўманіі, выкліканай каронавірусам новага тыпу.