У віртуальныя прагулкі па музеях і парках кітайскай сталіцы адправіліся тысячы пекінцаў. З пачаткам віруснай эпідэміі запрацавалі шматлікія платформы падарожжаў-анлайн: большасць гараджан сядзяць дома, аддаючы перавагу не рызыкаваць, з'яўляючыся ў публічных месцах. Так, праз рахунак на WeChat парку "Іхэюань" з дапамогай аўдыягіда і навукова-папулярных відэаролікаў можна пазнаёміцца з гісторыяй Летняга палаца і яго цікавымі аб'ектамі і будынкамі. Адказваючы на розныя пытанні ў рэжыме анлайн, наведвальнікі могуць таксама ўзбагаціць свае веды аб развіцці архітэктуры старажытных цывілізацый і ахове культурнай спадчыны.
Пекінскі заапарк прапануе кароткія відэаролікі пра паўсядзённае жыццё дзікіх жывёл, музей кітайскіх садоў падрыхтаваў новы адукацыйны праект - бясплатны і даступны онлайн-клас «Садоўніцтва», які прадстаўляе больш за 30 выбітных выстаў у віртуальным фармаце з выкарыстаннем тэхналогій VR і відэаролікі па папулярызацыі навуковых ведаў.