Інфармацыя з Кітая сведчыць пра зніжэнне колькасці новых пацверджаных выпадкаў захворвання, выкліканага каранавірусам, паведаміў на брыфінгу ў Жэневе гендырэктар СААЗ Т.А.Гебрэйсус. Паводле яго слоў, СААЗ чакае атрымаць праз тры тыдні даныя аб клінічных выпрабаваннях двух лекаў ад новага каранавіруса.
Кіраўнік СААЗ адзначыў, што арганізацыя знаходзіцца ў пастаянным кантакце з краінамі і партнёрамі ў мэтах каардынацыі глабальнага рэагавання на эпідэмію. Ён таксама нагадаў, што ў Кітаі працуе міжнародная група медыцынскіх экспертаў, якія прыехалі з Расіі, ЗША, Японіі, Германіі, Сінгапура і іншых краін.
Як падкрэсліў гендырэктар арганізацыі, у барацьбе з каранавірусам «акно магчымасцей застаецца адчыненым». У сувязі з гэтым ён заклікаў сусветную супольнасць зрабіць усё магчымае для стрымлівання распаўсюджання інфекцыі. - Р -