Член Палітбюро ЦК КПК Ху Чуньхуа заклікаў прыкласці намаганні для дасягнення перамогі ў нацыянальнай бітве з беднасцю пры адначасовым стрымліванні эпідэміі.
Ху Чуньхуа, які ўзначальвае кіруючую групу Дзяржсавета КНР па аказанні дапамогі ў развіцці бедных раёнаў, зрабіў гэту заяву ў ходзе праведзенай сёння тэлеканферэнцыі па барацьбе з беднасцю ва ўмовах эпідэміі.
На фоне нястомных намаганняў па кантролі за эпідэміяй бітва з беднасцю павінна быць рашуча выйграна, сказаў Ху Чуньхуа. Паводле яго слоў, рэгіёны з параўнальна нізкімі рызыкамі павінны паскорыць працу па скарачэнні маштабаў беднасці, пры гэтым надаючы ўвагу папярэджанню выпадкаў заражэння вірусам, увезенага звонку, у той час як найбольш пацярпелыя ад эпідэміі раёны павінны ўпарадкаваным чынам аднаўляць працу па барацьбе з беднасцю з улікам сітуацыі на месцах.
Ху Чуньхуа таксама заклікаў пры найме на працу падтрымліваць аднаўленне працоўнай дзейнасці ў галінах, якія садзейнічаюць зніжэнню ўзроўню беднасці, а таксама аказваць дапамогу людзям, якія апынуліся ў галечы. Чыноўнік таксама адзначыў, што варта накіраваць больш намаганняў на выкананне задач па задавальненні патрэбаў маламаёмасных грамадзян у частцы забеспячэння абавязковай адукацыі, базавай медыцынскай дапамогі, бяспечнага жылля і пітной вады. - Р -