Шпіталь "Сян'я" пры Цэнтральна-Паўднёвым універсітэце ў прав. Хунань / Цэнтральны Кітай / на днях ўвеў у эксплуатацыю двух інтэлектуальных робатаў для дэзінфекцыі амбулаторнага аддзялення на фоне ўспышкі новай каронавруснай пнеўманіі COVID-19.
Выкарыстанне машын дазволіць значна скараціць нагрузку на персанал бальніцы і знізіць рызыку распаўсюджвання інфекцыі, адзначыла намеснік кіраўніка лагістычна-размеркавальнага цэнтра бальніцы Мэн Ша.
Робаты валодаюць трыма метадамі дэзінфекцыі. Яны могуць абеззаражваць памяшканне ультрафіялетам, ствараць ультра-сухі туман з перакісу вадароду, і праводзіць плазменную фільтрацыю паветра. Дзякуючы аўтанавігацыі імі можна кіраваць дыстанцыйна.
Увечары, калі ўсе медработнікі і пацыенты пакідаюць бальніцу, робаты пачынаюць патруляванне тэрыторыі ў адпаведнасці з зададзеным маршрутам, выкарыстоўваючы для дэзінфекцыі дзевяць ультрафіялетавых лямпаў.
У дзённы час, калі побач знаходзяцца людзі, яны ўжываюць два іншых спосабы дэзінфекцыі.
"Робаты палегчылі нашу працу. Пасля выканання задачы яны самі адпраўляюцца да док-станцыі на падзарадку", - адзначыла старэйшая медсястра амбулаторнага аддзялення бальніцы Хуан Вэйпін. -0-