Сёння ў Пекіне адкрыўся чацвёрты пленум ЦК Кампартыі Кітая 18-га склікання. Удзельнікі абмяркуюць пытанні практыкі кіравання дзяржавай на аснове закона.

На пасяджэнні Палітбюро ЦК КПК 30 верасня прынята рашэнне, згодна з якім чацвёрты пленум ЦК КПК 18-га склікання пройдзе 20-23 кастрычніка ў Пекіне. На пленуме будзе разгледжаны праект "Пастановы ЦК КПК аб некаторых пытаннях усебаковага прасоўвання практыкі кіравання дзяржавай на аснове закона".

Кіраўніцтва КПК лічыць, што пабудова сярэднезаможнага грамадства, ажыццяўленне мары аб вялікім адраджэнні кітайскай нацыі, усебаковае паглыбленне рэформ, удасканаленне і развіццё сацыялістычнага ладу з кітайскай спецыфікай, павышэнне кіраўніцкай здольнасці і ўзроўню КПК патрабуюць усебакова праводзіць практыку кіравання дзяржавай на прававой аснове. - Р -