З Цзюцюанскага касмадрома (АР Унутраная Манголія) здзейснены паспяховы запуск спадарожніка дыстанцыйнага зандзіравання Зямлі "Яагань-24". Ракета-носьбіт "Чанчжэн-2Д" вывела касмічны апарат на зададзеную арбіту.

Спадарожнік "Яагань" распрацаваны для правядзення навуковых эксперыментаў, вывучэння зямельных рэсурсаў, ацэнкі ўраджаю сельгаскультур, а таксама прадухілення стыхійных бедстваў і мінімізацыі шкоды ад іх.

"Чанчжэн-2Д" спраектаваны і створаны Шанхайскай акадэміяй па тэхналогіях касмічных палётаў Кітайскага аб'яднання касмічных тэхналогій. Гэта 199-ы запуск ракеты-носьбіта серыі "Чанчжэн". - Р -