Улады Кітая агучылі пакет мер па падтрымцы эканомікі
На выканаўчым пасяджэнні Дзяржсавета КНР прапанавалі новы пакет мер па падтрымцы нацыянальнай эканомікі. Ён уключае 33 мерапрыемствы ў шасці сектарах. У прыватнасці, на льготы малому і мікрабізнесу па падатках і зборах да канца года накіруюць больш за два з паловай трыльёны юаняў. Кітай таксама дадаткова выдаткуе 150 млрд юаняў на надзвычайныя крэдыты для грамадзянскай авіяцыі. Апроч таго, для падтрымкі авіяцыйнай прамысловасці выпусцяць аблігацыі на 200 млрд юаняў.