Ян Цзэчы заклікаў краіны БРІКС унесці яшчэ большы ўклад у забеспячэнне міру і развіцця
Член Палітбюро ЦК КПК, кіраўнік канцылярыі Камісіі ЦК КПК па замежных справах Ян Цзэчы 17 верасня заклікаў краіны БРІКС да далейшага паглыблення стратэгічнага ўзаемадаверу, умацавання дыялогу і супрацоўніцтва з іншымі дзяржавамі з пачатковым рынкам і краінамі, што развіваюцца, з тым, каб унесці яшчэ большы ўклад у забеспячэнне міру і развіцця ва ўсім свеце. Ён зрабіў такую заяву на 10-й сустрэчы высокапастаўленых прадстаўнікоў дзяржаў БРІКС, якія курыруюць пытанні бяспекі. Сустрэча прайшла ў рэжыме відэасувязі.
Ян Цзэчы адзначыў, што палітыка ўнілатэралізму, пратэкцыянізму і булінгу сур'ёзна адбіваецца на міжнародных адносінах. Краінам БРІКС варта, скарыстаўшыся нагодай святкавання 75-годдзя заснавання ААН, цвёрда адстойваць мэты і прынцыпы Статута ААН. Краіны БРІКС павінны ўмацоўваць каардынацыю па асноўных міжнародных пытаннях, супрацьстаяць мысленню часоў халоднай вайны і ідэалагічнай канфрантацыі, абараняць агульныя інтарэсы групы, а таксама законныя правы і інтарэсы краін, якія развіваюцца, сказаў Ян Цзэчы. Дзяржавы БРІКС таксама павінны імкнуцца да забеспячэння бяспекі праз роўнасць, развіццё і супрацоўніцтва і разам садзейнічаць палітычнаму ўрэгуляванню вострых пытанняў, дадаў ён.
У рамках сустрэчы ўсе бакі абмяняліся меркаваннямі па надзённых рэгіянальных і міжнародных праблемах, а таксама пытаннях біябяспекі, барацьбы з тэрарызмам і кібербяспекі. Удзельнікі сустрэчы дамовіліся і далей падтрымліваць вядучую ролю СААЗ, а таксама ўмацоўваць супрацоўніцтва дзяржаў БРІКС у кіраванні біябяспекай і даследаваннях і распрацоўцы вакцын. -0-