Ад Кітая патрабуюць прасіць прабачэнняў за аўстралійскіх салдат

Забойства аўстралійскімі салдатамі нявінных людзей у Афганістане паднялі хвалю абурэння. Кітай рэзка асудзіў гэтыя ваенныя злачынствы. Аднак прэм'ер-міністр Аўстраліі Скот Морысан патрабуе КНР папрасіць прабачэння за такую пазіцыю. Больш за тое, яго падтрымалі бліжэйшыя саюзнікі Канберы і некаторыя заходнія СМІ, якія ўгледзелі ў кітайскай пазіцыі чарговы дыпламатычны інцыдэнт і свежы прыклад пагаршэння адносін паміж КНР і Захадам.

Такая пазіцыя, мякка кажучы, выклікае здзіўленне, бо само Міністэрства абароны Аўстраліі прызнае, што аўстралійскія салдаты забівалі ваеннапалонных і мірных жыхароў. Гэтыя абуральныя дзеянні сур'ёзна парушылі міжнароднае права і груба растапталі правы чалавека. Гэта ваенныя злачынствы.

Бліжэйшыя саюзнікі Аўстраліі -- ЗША і Вялікабрытанія -- таксама сумна праславіліся забойствамі і катаваннямі мірных жыхароў у Афганістане. «Варта звярнуць асаблівую ўвагу на тое, што аўстралійскія войскі -- гэта не адзіныя войскі, якія здзейснілі гэтыя зверствы ў Афганістане", -- кажа старшы навуковы супрацоўнік «Хьюман Райтс Вотч» Патрыцыя Госман.

На днях газета «Afghanistan Times» вітала публічнае асуджэнне Кітаем дзеянняў аўстралійскіх салдат.

Разам з тым, палітыкі шэрагу заходніх краін чамусьці лічаць, што яны вышэй за закон, што яны маюць права вяршыць суд над іншымі, пры гэтым катэгарычна адмаўляюцца адказаць за ўласныя злачынствы.