ЗША пашырылі патрабаванні да адмоўнага тэсту на COVID-19 для ўсіх авіяпасажыраў

Цэнтры па кантролі і прафілактыцы захворванняў /CDC/ у аўторак абвясцілі аб новых патрабаваннях да адмоўнага тэсту на COVID-19 для ўсіх авіяпасажыраў.

Новы загад, падпісаны ў той дзень дырэктарам CDC Робертам Рэдфілдам, уступіць у сілу 26 студзеня.

Тэставанне да і пасля паездкі -- важнае для запаволення траплення і распаўсюджання COVID-19. Гэтая стратэгія адпавядае бягучай фазе пандэміі і будзе больш эфектыўна абараняць здароўе амерыканцаў, гаворыцца ў заяве CDC.

Усе авіяпасажыры павінны будуць здаць тэст на COVID-19 не пазней трох дзён да паездкі ў ЗША і прад'явіць авіякампаніі вынікі лабараторных аналізаў або дакумент, які пацвярджае выздараўленне ад хваробы. Паводле новага загаду, перад пасадкай на рэйс авіякампаніі павінны пацвердзіць наяўнасць адмоўных вынікаў тэстаў або дакументаў аб выздараўленні.