Эксперты СААЗ накіроўваюцца ў Кітай для вызначэння крыніцы паходжання каранавіруса
Міжнародная група экспертаў Сусветнай арганізацыі аховы здароўя у чацвер накіравалася ў Кітай для правядзення сумесных навуковых даследаванняў аб паходжанні каранавіруса новага тыпу.
Прадстаўнік СААЗ Маргарэт Харыс паведаміла, што даследаванні будуць звязаныя з першымі выпадкамі COVID-19 у горадзе Ухань, шляхамі распаўсюджвання інфекцыі. Яна асабліва падкрэсліла, што гэта паездка ніякага дачынення да палітыкі не мае.