Наяўны даход на душу насельніцтва Кітая ў 2020 годзе вырас удвая ад узрoўню 2010 года

У 2020 годзе наяўны даход на душу насельніцтва ў Кітаі склаў 32 189 юаняў (каля 4 961 дол. ЗША) , што больш чым у два разы перавышае ўзровень 2010 года. Пра гэта сведчаць даныя, апублікаваныя Дзяржаўным статыстычным упраўленнем КНР.

У рэальным выражэнні рост гэтага паказчыка ў гадавым вылічэнні склаў 2,1 % за вылікам цэнавых фактараў, паведаміла прадстаўнік упраўлення Фан Сяадань.

Паводле яе слоў, за апошнія 10 гадоў сукупны рост рэальных наяўных грашовых даходаў на душу насельніцтва ў краіне склаў 100,8 працэнта.

На 18-м Усекітайскім з'ездзе КПК у 2012 годзе Кітай паставіў мэту падвоіць прыбытак на душу насельніцтва ў гарадах і сельскіх раёнах да 2020 года ад узроўню 2010 года, што з'яўляецца ключавым кампанентам пабудовы сярэднезаможнага грамадства.